[r]ت عمك يا ولد عمي تراها بنت عمك.... تارد الموت الحمر ماهي عن الوقفه جبانه

ياولد عمي نخيتك والقصيد أسنده يمك
.. .. .. .. .. عدّها نخوة حميّا عدّها نخوة ميانه

وأعرف إني لانخيتك فاض بالفزعات جمك
.. .. .. .. .. وأعرف إنك ماتقول الراي إلا في مكانه

إحتميني يا ولد عمي إذا فعلاً أهمك
.. .. .. .. .. أوقف بوجه المواجع والظلايم والمهانه

زمّني حد النجوم اللي عليها كنت أزمّك
.. .. .. .. .. عالم الحرمان هذا ذلله وإقطع لسانه

عالم الخذلان هذا ذوّقه لحظات سمّك
.. .. .. .. .. عالم البهتان والطغيان ماعنده أمانه

بنت عمك يا ولد عمي تراها بنت عمك
.. .. .. .. .. تارد الموت الحمر ماهي عن الوقفه جبانه

دمي اللي في عروقي هو ترا من نفس دمك
.. .. .. .. .. دم نشميٍ إلامن فار مادوّر معانه

والجفا لا لمّ خطواته طلبتك لا يلمك
.. .. .. .. .. الجفا كافر وأنا وإنته على نفس الديانه

انخذلت بكل من حولي وخذلاني يعمك
.. .. .. .. .. وإنطعنت بكل سكينٍ نوت طعني خيانه

طعنة الدنيا بجوفي عن ندايه لا تصمك
.. .. .. .. .. طعنةٍ تثعل جروحي ثم تمثناها لعانه

ياولد عمي نخيتك بنت عمك بنت عمك
.. .. .. .. .. عالم الخذلان والنكران ماعنده أمانه